't Gif in Gaanderen wieters nog meer luj die meugt schieten en thuus 'n kruusbaog hemmen. Maor die bunt lid van de schietvereniging. Met de kermis enzo loopt die met dat ding op de nek rond asof wi-j allemaol bli-j motten zun dat die Gaanderen vededegen tegen de Russen as die onverhaop ooit in Bultendarp zollen kommen. Sommigen luj uut Gaanderen bunt zelfs al 'n betjen Russisch an 't oefenen: 'wa mo'j', wa wo’j en 'wao gao'j hen.'


Toch mot ze tegeswoordeg ok oppassen veur de Amerikanen, want met dén halve gare vetkuuf, den door now zo’n betjen de baas probeert te spöllen, wet i-j 't ok maor nooit. Misschien denkt e dat bi-j ons achter in de ‘Achterhook’ allemaol 'hookers' rondlopen en i-j wet hoe'n schuunsmesjeerder 't is.


Veur alle zekerheid hemmen wi-j gauw aoveral de knip op de deur gedaon, want wi-j woont dich bi'j 't kerkhof en wie wet wat zo iemand met 'n geweer allemaol van plan kan zun.


Kan ok dat e gewoon an't jagen was op 'n knientjen.
Wit met brune of zwatte spetters en 'n vieze boek. Hoe at dat knientjen dooran kwam, kö'j weer laezen in mien veurege vehaaltjen.



Jan van Beernd en Mieneken

 

Polisie baoven ons huus